Jorge Luis Borges

Dr Jorge Francisco Isidoro Luis Borges Acevedo ( audio) [ˈxorxe ˈlwis ˈβorxes] (* 24. August 1899 z Buenos Aires; † 14. Juni 1986 z Gämf) isch en argentinische Schriftsteller und Bibliothekar gsi. Dr Borges het e Hufe fantastischi Erzäälige, Gedicht und Churzgschichte verfasst.

Literarisch beeiiflusst häi dr Borges vor allem dr Macedonio Fernández, dr Rafael Cansinos Assens, die änglischi Litratuur (Whitman, Chesterton, Shaw, De Quincey), dr Franz Kafka und dr Daoismus.^[1][2] Siini filosofische Aaschauige, wo uf em erkenntnistheoretische Idealismus basiere und wo mä in sine Erzäälige und Essei cha finde, het dr Borges vor allem vom George Berkeley, David Hume und vom Arthur Schopenhauer.^[1][3] Mit em argentinische Schriftsteller Adolfo Bioy Casares isch er si Lääbe lang Fründ gsi. Borges isch äine vo de Gründer vo dr „latiinamerikanische Fantastik“ gsi und äine vo de wichdigste Autore vo dr Zitschrift Sur, wo vo dr Victoria Ocampo und iirer Schwöster Silvina 1931 gründet worden isch und wo sich em kulturelle Usdusch zwüsche Latiinamerika und Öiropa gwidmet het.

1. ↑ ^{1,0 1,1} Jorge Luis Borges, Richard Burgin: Jorge Luis Borges - Conversations. University Press of Mississippi, 1998, S. 57 ff.
2. ↑ Luis Leal: Magical Realism in Spanish American Literature. In: Lois P. Zamora, Wendy B. Faris, Lois Parkinson Parkinsonzamora: Magical Realism - Theory, History, Community. Duke University Press, 1995, S. 119.
3. ↑ Emir Rodríguez Monegal: Jorge Luis Borges - A literary biography. Paragon House, 1988, S. 170 ff.